Schrëtt 4: D’Geschicht verdéiwen
Am véierte Schrëtt geet et drëm, datt d’Kanner d’Geschicht méi déif verstinn an erëm ginn, wat se geléiert hunn. Si kréien d’Biller aus dem Kamishibai oder aus dem Buch a solle se an déi richteg Reiefolleg leeën.
Duerno erzielt d’Joffer oder den Erwuessenen nach eng Kéier d’Geschicht – d’Kanner lauschteren a lafen zum richtege Bild. Méi grouss Kanner kënnen och selwer probéieren, d’Geschicht mat de Biller noz’erzielen.
🎓Firwat ass dat wichteg?
- D’Kanner léieren Geschichten ze strukturéieren – wat koum als éischt, wat duerno.
- Si üben, zesummenzefaassen a noz’erzielen.
- D’Geschicht gëtt net nëmmen eng Kéier gelies, mee verstäerkt duerch Wiederhuelung a Spiller.
- Lauschteren a Biller verbannen hëlleft beim Versteesdemech a Gediechtnesopbau.
🎯D’Ziler vun dësem Schrëtt
- Versteesdemech verdéiwen duerch d’Reiefolleg vun de Biller
- Selwer Erzielen üben – aktiv matmaachen amplaz just nolauschteren
- Zesummespill vu Lauschteren a Beweegung erlieft
- Virbereedung op d’Nospillen vun der Geschicht am nächste Schrëtt
👉 Wichteg:
Halt och hei d’Reiefolleg vun den Aktivitéiten an. D’Geschicht muss eréischt verstan a verdéift ginn, éier d’Kanner se selwer spille kënnen. Sou kritt d’Lieszäit logesch Schrëtt, déi openee bauen, a jiddwer Kand kritt d’Méiglechkeet, sécher matzemaachen.